Eduki hau partekatzeko esteka arbelera kopiatu da.
Aurreko hilean 32 pertsonak (17 emakumek eta 15 gizonek) lana opatu duenez, Altsasuko Enplegu Bulegoan apirila bukaeran 519 zeuden izena emanda. Iaz baina 5 gutxiago. Generoari erreparatuz gero lana bilatzen duten emakumeen kopurua gizonena baino handiagoa da, 313 eta 206 hurrenez hurren. Adinari dagokionez 91 dira lan bila dabiltzan 25 urtez azpiko sakandarrak [59 gizon (-6) eta 32 emakume (+1)]. Adin horretatik gorako langabetuak, aldiz, 428 dira [281 emakume (-17) eta 147 gizon (-9)]. Sektoreei erreparatuz gero ez da aldaketarik izan. Langabetu sakandar gehienek, 279 (-13), zerbitzu arloan lan egin nahiko lukete. Industrian lan egiteko prest 145 (-7) langabetu daude. Eraikuntzan lan egiteko 47 (-7) eskaera jasoak daude enplegu bulegoan. 39 (-3) dira aurretik lan egin ez duten eta izena emanda daudenen kopurua eta, azkenik, 9 (-2) pertsona prest azaldu dira nekazaritzan lan egiteko. Bestalde, apirilean Altsasuko Enplegu bulegoaren bidez 91 kontratu mugagabe sinatu ziren, aurreko hilean baino 18 gehiago.