Astelehenean gazte mailako Gipuzkoako Itzuliko txapela irabazi zuen Rural Kutxako Beñat Txoperenak. Igantzi txirrindulariak mendi txirrindularitzatik dator eta uste baina lehenago egokitu du bide-berriko bizikletara. Argi utzi zuen hori astelehenean. Atzo, berriz, Tolosan izan zen afizionatuen taldea, Jose Maria Anza Memoriala lehian. Txirrindulariek 103,5 kilometroko ibilbidean 3 aldiz gainditu behar izan zuten Altzoko gaina eta aldi bana Larraitz eta Leaburu gainak. Bidelan-Kirolgi taldeko Andoni Blazquez izan zen garailea. Lan ona egin zuen Sakanako Rural Kutxak, lehen 20 txirrindularien artean 6 taldekide sartu baitziren. Aleix Fabregas izan zen horietan lehena, 6. postuan, irabazlearengandik 44 segundora. Xabier Zabalo olaztiarra 16.a izan zen, 2:30:51ra. Balentriak taldekako sailkapeneko 2. postuan jarri zuen Rural Kutxa, Azpiru-Ugarte taldetik 43 segundora.