Asteburuan hasiko da Sakanako Mankomunitateko Kirol Zerbitzuak Etxarri Aranazko Gure Pilota taldearen laguntzarekin antolatutako Gizonezkoen Sakanako XX. Pala Txapelketa. Guztira 16 bikote lehiatuko dira, eta partidak Etxarri Aranazko eta Olaztiko pilotalekuetan jokatuko dira. Lehenik eta behin ligaxka jokatuko da, eta hobekien sailkatzen direnak aurrefinaletarako sailkatuko dira. Sariei dagokienez, lehenengoek kirol materialean 135na euro jasoko dituzte eta txapelak, eta bigarrenek 60na euro kirol materialean.