Asteburuan Nafarroako Kirol Jolasen barruan Pilota Txapelketako partidak jokatu dira. Horrela, Hirugarren mailako kadeteen mailan, Aralar Mendiko Sanzi eta Irigoieni 19-22 irabazi zieten Aurrera Cko Onsalok eta Erasok. Bigarren mailako kadeteen mailan, berriz, Irurtzun taldeko Juangok eta Abregok 22-14 hartu zituzten menpean Gure Pilotako Lopez de Zubiria eta Murgiondo. Kadeteen lehen mailan Aldabideko Jaka eta Gabirondok irabazi egin zuten, 15-22, San Migel A taldeko Sanzen eta Unanuaren kontra. Eta lehen mailako gazte mailan Sutegi A taldeko Etxeberria eta Araña nagusitu ziren, Erreka A taldeko Bendoiro eta Juaneneari 10-22 irabazi eta gero. Bukatzeko, lehen mailako kimuen mailan Bi Aizpeko Beraza eta Martija 18-13 gailendu zitzaien San Migel A taldeko Anduaga eta Zalduendori.