Bi txapela Sakanara

Asteburuan Belateko Kluben Arteko Txapelketako finalak jokatu ziren Beran eta Lesakan. Horrela, seniorretan, Pilotajaukuko Mazkiaranek eta Alustizak jantzi zuten txapela, Aldabideko Mattin Ezkurdiari eta Arkaitz Arrutiri 22-20 irabazi eta gero. Lehen mailako aurrebenjaminetan, Donibaneko Oier Eugik eta Markel Gardek 18-5 hartu zituzten menpean Aldabide A taldeko Igor Araña eta Josu Igoa. Eta bigarren mailako kimuetan txapelak ere ihes egin zien sakandarrei, Arkupeko Julen Palenzuela eta Jon Erro 18-9 gailendu baitziren Pilotajauku C taldeko Iker Grados eta Mikel Oterminen aurrean. Bigarren mailako haurren mailan, Pilotajaukuko Peio Bengoetxeak eta Jon Kepa Bengoetxeak finala galdu zuten, 1-18, Donibaneko Ander Garde eta Anzinen kontra. Baina kadeteen lehen mailako txapela Sakanara heldu zen, Txarutako Iban Indari eta Arkaitz Untxalori 12-18 irabazi baitzieten Olaztiko Sutegi A taldeko Jokin Gartziak eta Julen Kintanak. Hortaz, bi txapela izan dira Sakanara etorri direnak.