Manttale mendi lasterketa taldeak antolatuta, ia 500 korrikalarik hartu zuten parte igandean jokatutako V. Berako maratoi erdian, orain arteko partehartze errekorra, hain zuzen. Lan gogorra zuten guztiek aurrean: 21,150 km osatzea, 2.714,60 pilatutako desnibelarekin. Besteak beste Manttale eta Larun mendiak igo behar izan zituzten. Horietatik 450 heldu ziren helmugara. Azkarrena Didier Zago frantziarra izan zen (1:40:19), errekor berria ezarriz, aurrekoa 1:41:27koa baitzen. Minutu pasako aldea atera zion Jokin Lizeaga Mitxelenari (1:41:34). Lehen emakumezkoa Oihana Cortazar izan zen (2:05:35), Alizia Olazabalek zuen errekorra gaindituz (2:07:05). Hain zuzen ere Olazabal izan zen bigarrena (2:07:22). Korrikalari sakandarrek primerako lana egin zuten. Esaterako, Uharte Arakilgo Angel Arrieta hamargarrena izan zen, primerako lana eginez (1:49:26). Bere anaia, Jon Arrieta, 52.a izan zen (2:02:22). Gainontzeko sakandarren denborak ondokoak izan ziren: 53. Fermin Gabirondo (2:03:04); 67. Jesus Goena (2:05:03); 163. Fernando Igoa (2:14:32); 230. Igor Jaka (2:20:58); 237. Peio Andueza (2:21:34); 262. Maitane Txueka (2:23:09), emakumezkoen sailkapenean seigarrena); 317. Jose Ignacio Lazkoz (2:29:58); 344. Jone Pelaez (2:34:50, emakumezkoen sailkapenean hamargarrena); 351. Joxema Leitza (2:35:23); 371. Aingeru Azazeta (2:39:05); 406. David Oroz (2:46:42); 412. Emilio Imaz (2:48:28); 420. Joseba Gorritxo (2:50:57) eta 447. Josean Markez (3:13:01). Berako maratoi erdiak Nafarroako Mendi Lasterketen I. Kopa mustu zuen. Aipatu koparako baligarriak izando dira beste 5 lasterketa: ekainaren 14ko VI. Lakuntza-Aralar, ekainaren 28ko Izabako V. Camille Extreme, irailaren 20ko Beriaingo kilometro bertikala, irailaren 26ko Olatzagutia-Urbasa, eta urriaren 4ko Etxarri Aranazko XXXIV. Mendira Joan Teoría.