Industria, Turismo eta Merkataritza Ministerioak kontsumo txikiko bonbillen erabilera ezagutarazteko ekimena abian du. Hala, argindarraren azken fakturarekin sakandarrek eskuorri bat jaso dute. Eskuorriarekin Correos-eko bulegoetara joaten direnek trukean kontsumo txikiko bonbilla bana jasoko dute. Ministeriotik adierazi dutenez, "bonbilla horiek erabiltzeak energia aurrezte nabarmena dakar, ohikoek baino %80 gutxiago kontsumitzen baitute, eta 6 eta 8 aldiz gehiago irauten baitute". Horren ondorioz, "energia kontsumoa eta CO2 isurketak gutxitzen" dira. Antza, Europar Batasunaren helburua da 2011. urterako bonbilla horien erabilera hedatua egon dadila.