Sakanako Mankomunitateak gazteei zuzendutako abentura asteburua antolatu du. Bertizen izanen da ekainaren 19tik 21era bitartean. Mankomunitatearen eskaintza DBHko 3. eta 4. maila ikasten ari diren gazteendako da. Interesa dutenek astelehen eta asteartean dute aurre matrikulatzeko aukera. Plaza kopurua mugatua denez, izena ematen dutenen artean zozketa eginen da eta plaza egokitu zaienei telefonoz jakinaraziko zaie. Horiek guztiek ekianaren 4an joan beharko dute mankomunitatearen Lakuntzako egoitzara erakundearen web orrian agertzen den fitxa beteta, osasun txartelaren ordainagiriaren kopiarekin eta banketxeko ordainagiriarekin. EgitarauaEkainak 18, ostiralaNarbarteko Bertiz aterpera iritsi.Afaria. Ekainak 19, larunbataGosaria. Rafting Errobi errekan (5 km-ko jaitsiera), Bidarrain (Nafarroa Behera). Bazkaria. Bertiz abentura park, Narbarten. Soka zirkuituak altueran, zuhaitz artean. Afaria. Ekainak 21, igandeaGosaria.Arroilen jaitsiera Elizondoko Beartzun auzoan (saltoak, rapelak, txirrista...)Bazkaria. Itzulera.