Sanferminetan, gaur Nafarroako kadete mailako trontza txapelketa jokatuko da, eguerditik aurrera Foruen Plazan antolatu den herri kirol jaialdiaren barruan. Bost bikote ariko dira lanean, tartean Andra Mari ikastolako hiru bikote: Amaiur Ginea eta Hanot Garde, Joanes Satrustegi eta Alain Ansotegi eta Koldo Murgiondo eta Iraitz Berastegi. Aipatutakoez gain, Ultzamako Jon Etxeberria eta Haritz Legarrea eta Berriozar-Txantreako Eder Goldarazena eta Jon Idoate ariko dira lanean. Guztiek 100 zentimetroko enborrari 10 korte egin beharko dizkiote, etzanda. Ea txapela Sakanara etortzen den.