Atzo Tirreno Adriatiko lasterketako azkenaurreko lasterketa jokatu zen. 12 txirrindularik eguneko ihesaldia egin zuten, eta tartean Euskalteleko Ruben Perez zegoen. Helmugarako 7 kilometroren faltan Katusha taldeko Mikhail Ignatievek ihes egin zuen taldetik eta bakarrik heldu zen helmugara. Bost segundora sailkapenean bigarrena den Stefano Garzelli sartu zen, eta 7 segundora Scarponi liderra. Jorge Azanza altsasuarra 56.a izan zen, 2:41era, eta Pablo Urtasun urdiaindarra 130.a, 17:25era. Sailkapen orokorrean Scarponi liderrak soilik 2 segundoko abantaila ateratzen dio Stefano Garzelliri, eta hortaz gaurko azken etapan lehia egonen da.