Sakanako Mankomunitateko Euskara Zerbitzuak Sakanako eskolarteko komiki eta literatur lehiaketa antolatu du beste behin ere. 21. edizioa da aurtengoa. Iaztik, izen berria du literatura lehiaketak: Maria Markotegia Sariak. "Izen aproposa da, benetan" esan zuen Mankomunitateko lehendakari Migel Angel Zubiriak, "Maria Markotegi ezagutu genuenok badakigu zenbait maite zuen literatura, gainera, garai batean erakunde honetako langile izan genuen" azaldu zuen. "Lehiaketa honen bidez zuek ere literatura maitatzea nahi genuke" esan zien Sakanako ikastetxeetako ikasleei.Astelehen arratsaldean izan zen sari banaketa ekitaldia Sakanako Mankomunitatearen Lakuntzako egoitzan. Maria Markotegiren seme-alaba Illamile eta Xabier Basabek banatu zituzten sariak.Sail berriaHiru sail ditu lehiaketak: narrazioa, komikia eta poesia, azkena aurten lehen aldiz. "Iaz poesia asko aurkeztu zituzten eta epaimahaiak berariazko saila sortzea gomendatu zuen" azaldu zuen Castillo Suarez euskara teknikariak. Sail horietako bakoitzean lau kategoria bereizten dira: LHko 5. eta 6. mailetako ikasleena, DBHko 1. eta 2. mailetako ikasleena, DBHko 3. eta 4. mailetako ikasleena eta Batxilegoak eta Erdi Mailako Heziketa Zikloetako ikasleena. Azkeneko bi kategoria horiek bereiztu egin dira aurten, ikasle batzuetatik besteetara alde handia zegoen eta.Lehiaketa arrakastatsuaAurten zenbait berrikuntza izan badira ere, urtez urte aldatzen ez dena lehiaketaren arrakasta da. 197 ikaslek parte hartu dute, 111k narrazio sailean, 15ek poesia sailean eta 71k komiki sailean. Sakanako ikastetxe gehienek parte hartu dute lehiaketa tradizionalean: Aralarko Mikel Donea I institutuak, Olatzagutiako Domingo Bados ikastetxe publikoak, Altsasuko Zelandi ikastetxe publikoak, Iñigo Aritza ikastolak eta Jesusen Bihotza ikastetxeak, Urdiaingo Herri Eskolak, Iturmendiko Arrano Beltza ikastetxe publikoak, Etxarri Aranazko Andra Mari ikastolak, Lakuntzako Luis Fuentes ikastetxe publikoak eta Irurtzungo Atakondoa ikastetxe publikoak. Bestalde, Koldo Arnanz margo tailerreko ikasleek ere parte hartu dute.SariakSakanako Mankomunitateko Euskara Zerbitzuak 950 euro banatu ditu lan onenak saritzeko. 14 sari banatu dira guztira. Migel Angel Zubiriak sarituak zoriondu zituen eta ikasleak idazten eta amets egiten jarraitzera animatu zituen. Toñi Lopez eta Izaskun Etxeberriak (literatura) eta Miren Ustarroz eta Cristina Fernandezek (komikia) osatu dute epaimahaia. Lehiaketaren helburua euskarazko sormen literarioa sustatzea den aldetik, parte-hartzaile guztiek jaso dute oparitxoa. Sarituak Narrazio SailaLHko 5. eta 6. maila1. Ainhoa Lopez Liburu misteriotsua 50 euro2. Oier Saldaña OO Perez: Quamtum of solace in desagerketa 40 euroDBHko 1. eta 2. mailaHutsikDBHko 3. eta 4. maila1. Oihan Larraza Egunero erregatuko dut kaktusa 90 euro2. Oihane Kintana Itzalpean bizitzerik ez dago 80 euroBatxilergoak eta Erdi Mailako Heziketa Zikloak1. Amagoia Azpiroz Ihesi 110 euro2. HutsikPoesia SailaLHko 5. eta 6. mailak1. Jennifer Romero Nire benetako ametsa 50 euro2. Usue Mendez Denbora onarekin... 40 euroDBHko 1. eta 2. mailak1. Naroa Cuevas Amodioa 70 euro2. HutsikDBHko 3. eta 4. mailakHutsikBatxilegoak eta Erdi Mailako Heziketa Zikloak1. Nerea Reparaz Bizi gabe utzitako une bakoitzari 110 euro2. HutsikKomiki SailaLHko 5. eta 6. mailak1. Aitor Bengoetxea Oiloa eta azeria 50 euro2. David Diaz Tomasen ihesia 40 euroDBH 1. eta 2. mailak1. Markel Galbete Aitona kuxkuxeroak 70 euro2. Iñigo Tobar Lapurketak Altsasun 60 euroDBH 3. eta 4. mailak1. Aratz Urritzola Red-Bull Erroman 90 euro2. HutsikBatxilergoak eta Erdi Mailako ZikloakHutsik