Nafarroako Kutxak antolatutako 41. Herrien Arteko Pilota Txapelketa aurreko asteburuan hasi zen. Lehian ari diren 11 herrien artean Irurtzun, Arbizu, Uharte Arakil eta Altsasu daude. A multzoan Leitza, Uharte Arakil, Lizarra, Arbizu, Altsasu eta Uharte Iruñea daude, eta B multzoan Baztan, Doneztebe, Irurtzun, Iruñea eta Burlata. Multzo bakoitzean ligaxka jokatuko da eta multzo bakoitzeko lehen bi taldeak finalerdietara pasako dira. Norgehiagoka bakoitzean lau partida jokatzen dira: kimuak, haurrak, gazteak eta seniorrak. Aurreko asteburuko lehen jardunaldian, Uharte Arakilek 3-1 irabazi zion Arbizuri eta Altsasuk 0-4 galdu zuen Uharte Iruñearen kontra. Eta B multzoan Irurtzunek 3-1 hartu zuen menpean Iruñea. Aste honetan bigarren jardunaldia dago jokoan eta dagoeneko partida bat jokatu da, atzo Arbizuko kiroldegian jokatu zena. Arbizuri 1-3 hartu zion menpean Altsasuk. Kimuetan, haurretan eta gazteetan nagusitu zen Altsasu;_ seniorretan, aldiz, arbizuarrak ibili ziren finago. Atzoko emaitzak:Kimuak: Goikoetxea-Nazabal (Arbizu) 11 - Gabirondo-Ramirez (Altsasu) 18Haurrak: Gurutxarri-Mendinueta (Arbizu) 14 - Bengoetxea-Arnanz (Altsasu) 18Gazteak: Jaka-Gabirondo (Arbizu) 15 - Lopez-Zelaia (Altsasu) 22Seniorrak: Ezkurdia-Arruti (Arbizu) 22 - Senar-Alustiza (Altsasu) 12