La Jarana peñak antolatuta, 450 korrikalari baino gehiagok hartu zuten parte 27. Entzierroko Lasterketan. Lasterketak dituen 799 metroak osatu zituzten guztiek, baina kategoria ezberdinetan banatuta: federatutakoen lasterketa, lasterketa herrikoia, aiton-amonen eta egokitutakoak, txikiak, txikitoak eta beste. Federatutakoetan Marcos Yaniz (2:04) eta Vanesa Pacha (2:31) nagusitu ziren. Probaren gogortasuna aipatu zuten, aldapan gora jokatzen baita, eta ez dago errekuperatzeko aukerarik. Lasterketa herrikoian, Eder Goladarazena izan zen azkarrena, Ismael Lopez de Goikoetxea 10.a (2:28) eta Jose Mari Mercero 17.a (2:35). Aitonen mailan Kaxi Estarriaga etxarriarra izan zen lehena (2:25). Jose Mari Mercero ere kategoria honetan aritzera animatu zen eta kasu honetan 56.a izan zen (3:27). Eta aipatzekoa da egokitutakoen mailan Egiarretako Rosa Jaka lehena izan zen (3:55). Aipatzekoa da Rosak bosgarren aldiz irabazi duela Entzierroko Lasterketa.