Maiza eta Cano Nafarroako II. Mailako Trontza Txapeldun

Abuztuaren azkeneko asteburuan Nafarroako II. Mailako Trontza Txapelketa jokatu zen Berriozarren. Hiru bikote aritu ziren, eta hiru lan egin behar izan zituzten: etzanda jarritako 45 ontzako enborrari 5 epai edo korte egin, zutik jarritako 45 ontzakoari 4 epai egin eta etzanda jarritako 45 ontzakoari beste 5 epai egin. Txapeldunak Jose Luis Cano berriozartarra eta Raul Maiza arbizuarra izan ziren (8:32.37). Minutu pasako aldea atera zieten Oier Aizkorberi eta Migel Angel Mariñelarenari (9:49.20). Jon Etxeberria eta Aritz Legarrea azkenak izan ziren (16:35).