Sakanako Mankomunitateko Kirol Zerbitzuak Neguko Triatloi Eskola antolatu du, urriaren 6tik aurrera Altsasuko igerilekuetan eskainiko dena. Asteazken arratsaldeetan (17:00etatik 19:00etara) eta larunbat goizetan (11:30etik 13:30era) izanen da ikastaroa, eta maiatzean bukatuko da. Sakana Triatloi taldeko Mikel Lakuntza izanen da monitorea. 1994-2001 urteen artean jaiotako gaztetxoek eman dezakete izena, iraila guztian barna Kirol Zerbitzura hots eginez (948 464 866 telefonoa). Ikastaro osoak 50 euroko prezioa du.