Eduki hau partekatzeko esteka arbelera kopiatu da.
Asteburuan despedituko da txirrindulari afizionatuen denboraldia, larunbatean Urretxun Euskaldun Txapelketarako baliagarria den proba jokatu eta gero. Txapelketei dagokionez, Euskaldun Txapelketan Cafes Baquéko Daniel Diaz da buru (179 puntu) eta Naturgasaeko Pello Bilbao da bigarrena, 145 punturekin. Rural Kutxa talde sakandarreko Victor de la Parte laugarrena da (105 puntu). Lehendakari txapelketan Ramon Domene (Seguros Bilbao, 59 puntu) nagusitu da eta Rural Kutxako Jordi Simon seigarrena sailkatu da (46 puntu).Bestalde, igandean juniorren mailako lasterketa jokatuko da Atarrabian, 11:00etan hasita (71 km).