Sakanako Mankomunitateko Kirol Zerbitzuak, Etxarriko Pilota Eskolaren eta Etxarri Aranazko eta Uharte Arakileko udalen laguntzarekin, Sakanako Nesken V. Pala Txapelketa antolatu du.Lau kategorietan jokatuko da txapelketa: gaztetxoak, gazteak, helduen lehen maila eta helduen bigarren maila. Partidak ostiraletan (19:00etatik aurrera), larunbatetan (15:00etatik aurrera) eta igandetan (10:30etik aurrera) jokatuko dira, Etxarri Aranazko eta Uharte Arakilgo frontoietan. Txapelketa urriaren 16an hasiko da. Urriaren 14ra arteIzena ematea zabalik dago, urriaren 14ra arte. Horretarako bi aukera daude: Sakanako Mankomunitateko kirol zerbitzura deitu (948 464 866), edo ondoko telefonora hots egin: 638 138 231 (Migel). Lehen mailan izena ematen duten bikoek 10 euro ordaindu behar dute, bigarren mailakoek 5 euro eta gainontzeko mailakoek ez dute ordaindu beharko.Sariak garaikurrak, gaztak eta talasoterapiako sarrerak izanen dira.