Rural Kutxa talde kontinentalak
ametsa bete du: kategoriaz igo eta
talde profesional kontinentala izatea
lortu du. Eskatutako dokumentazio
eta berme guztiak garaiz aurkeztu
eta gero, asteartean Nazioarteko
Txirrindularitza Elkartearen
baiezkoa jaso zuen Rural Kutxak.
Jakina, pozez zoratzen daude.
Rural Kutxako kirol manager
Juan Manuel Hernandezek taldea
profesional kontinental izatea
guztiz beharrezkoa dela nabarmendu
du. "Espainian talde kontinentalek
ez dute zentzurik.
Gutxienik 600.000 euroko inbertsioa
eskatzen dute eta soilik 30
eguneko lehiaketa egutegiarekin
ez zoaz inora. Publizitatea minimoa
da eta ez du inbertsio handi
hori justifikatzen" azaldu du.
Iazko plantilla oinarri
Rural Kutxak iazko plantilla gehiena
mantenduko du. Arturo Mora,
David de la Cruz, Egoitz Garcia,
Fabricio Ferrari, Garikoitz Bravo,
Guillermo Lana, Higinio Fernandez,
Joaquin Sobrino, Jose Herrada,
Oleg Chuzhda, Ruben Martinez
eta Ruben Reig txirrindulariek
jarraituko dute. Iaz 5 garaipen lortu
zituzten, lehen urterako balantze
ona. Profesional mailan esperientzia
izan duten hiru txirrindulari
kontratatu dituzte - Javier
Moreno, Diego Milán eta Julián Sánchez - ,
eta Sakanako Rural Kutxa
afizionatuen taldetik, filialetik, hiru
igo dira: Alexander Ryabkin, Igor
Romero eta Victor de la Parte. Txirrindulari
askoren eskaintzak atzera
bota behar izan dituzte.
Helburua: Espainiako Itzulia
Hurrengo denboraldian aurrekontua
bikoiztuko du Rural Kutxak, eta
egutegi zabalagoa izango du. Helburua
Espainiako Vueltan aritzeko
gonbidapena lortzea da. "Horretarako
gogor borrokatuko dugu"
azpimarratu dute. Bestalde, harrobia
lantzen jarraituko dute, iaz 40
garaipen lortu zituen Sakanako
Rural Kutxa amateurra mantenduz.
Burunda taldetik
sortutako egitasmoa
Rural Kutxa talde kontinentala iazko
denboraldian aurkeztu zen.
Burunda Txirrindularitza Taldetik
sortu zen egitasmoa, baina Grupo
Deportivo Preventiaenpresakeraman
du bere gestioa. Floren Esquisabel
altsasuarra zen manager
nagusia, Juan Manuel Hernandez
kirol managerra, eta Iñaki Juanikorenak
eta Eugenio Goikoetxeak
hartu zuten taldearen ardura.