Altsasuko Saskibaloi Klubeko taldeek asteburuan egindakoa

Altsasu Saskibaloi Klubeko (CBASK) taldeek - CBASK eta Clientes CAN Alsasua - asteburuan jokatutako jardunaldian egindakoa errepasatuko dugu. Gizonezkoen seniorren 2. maila autonomikoan Altsasuko bi talde ari dira lehian, baina CBASK J ez zen aritu. CBASK F-k, aldiz, 43-67 galdu zuen Bar La Museria Sanduzelairen kontra. Sailkapen orokorrean Fonseca B da liderra, CBASK F seigarrena, eta CBASK J zortzigarrena. Larunbatean Sanduzelain jokatuko du CBASK J-k, Bar la Museria Sanduzelairen kontra, 16:15ean. Aldiz, Peña Azagresa izango du aurkari CBASK F-k, igandean 10:00etan Peñaren etxean. Bestalde, gizonezkoen junior mailan Altsasuko CBASKek ez zuen jokatu. Larunbatean Arangurenen kontra ariko da azken hauen etxean, 18:00etan. Eta gizonezkoen kadete mailan Fonseca Liceo Monjardini 38-57 irabazi zion Clientes CAN Alsasuak. Sailkapenean Burlata A da liderra eta altsasuarrak bosgarrenak dira. Larunbatean Zelandinjokatuko dute, 10:50ean, SanCernin BNC taldearen kontra. Emakumezkoak Emakumezkoen kadeteen mailan Altsasuk bi talde ditu. Burlada B taldeak 56-18 irabazi zion Clientes CAN Alsasua J-ri. Burlada B da liderra eta altsasuarrak bigarrenak dira. Larunbatean Zelandin jokatuko dute, Toki Ona Bortziriak taldearen kontra (10:58ean). Aldiz, Clientes CAN Alsasua G-k 23-56 irabazi zion Carmelitas Vedruna taldeari. Bere multzoan bigarrena da Clientes CAN Alsasua J, Burlata C taldearen atzetik. Larunbatean Zelandin jokatuko dute, Frijucar Garesen kontra (10:58ean). Emakumezkoen haurren mailan Clientes CAN Alsasuak ez zuen jokatu. Asateburuan etxean jokatuko du, Zelandin, Miravalles taldearen kontra (10:50ean). Kategoria txikiak Kategoria txikikoei dagokienez, gizonezkoen minibasket mistoan Aranguren A liderrak Clientes CAN Alsasuari 50-29 irabazi zion. Altsasuarrak sailkapenean laugarrenak dira, eta larunbatean etxean jokatuko dute, Gazte Berriak taldearen kontra (12:15ean). Emakumezkoen mini-basket mistoan Clientes CAN Alsasuak ez zuen jokatu; larunbatean Ardoi Leonas hartuko du etxean (12:15ean). Bukatzeko, gizonezkoen preminibasket misto kategorian, Clientes CAN Alsasuak 18-9 irabazi zion Esclavas Sagrado Corazon taldeari, eta liderrak dira. Asteburuan ez du jokatuko. Eta emakumezkoen preminibasket mistoan Clientes CAN Alsasuak ez zuen jokatu, baina larunbatean Obenasa B taldea hartuko dute Altsasun (12:15ean).