Felix Isasi ingeniariak, barizentroaren
kontzeptuan oinarrituta Euskal
Herriko erdigunea Andia mendizerran
kokatu zuen, San Donato
ermitatik gertu, Andiako
Olibesarioko saroian, 1.236 metroko
altueran (Koordenadak:
X:586.936 eta Y:4.748). Bertan monolito
bat jarri zuten eta leku sinbolikoa
bilakatu zen. Sakanako Ibilaldi
Handia urtero pasatzen da bertatik.
Aurtengo maiatza aldean
norbaitek monolitoa puskatu zuen,
eta Irurtzungo Iratxo elkarteak
gertaera salatu eta bertan beste
monolito bat kokatzea erabaki zuen.
Monolitoa jarri eta bazkaria
Irañetako Basoko Etxean
Igandean egin zuten monolitoa
jartzeko ekitaldia. Horretarako, eta
Irañetako lagunekin elkarlanean,
mendizale sakandarrek mendi igoera
egin zuten Euskal Herriko
erdiguneraino, Irañetako Basoko
Etxea bordatik aterata. Erdigunean
monolito berria jarri zuten
- alde batean lauburua eta bestean
EH margotuta duen harria - eta
ekitaldi polita egin zuten bertan.
Ondoren, aurten berritutako Irañetako
Basoko Etxea borda bikainean
bazkari ederra egin zuten.