Oreka TX taldeak kontzertubidaia
berritzailea dakar:
Nömadak TX ikuskizuna. Oreka
TX taldeko kideek India, Laponia,
Sahara eta Mongoliara egindako
bidaietan sortutako musika aurkeztuko
dute. Horretarako Saharako
Aziza Brahim kantaria izanen
dute lagun.
Txalaparta
Txalaparta bi pertsonen arteko
elkarrizketaren emaitza da. Batek
erritmoa jartzen du eta besteak
erritmo hori hausten du. Elkarrizketa
horretan sortzen den musika
ez da musikari batena edo bestearena,
elkarrizketaren beraren
adierazpena da.
Oreka TX taldeak txalapartaren
elkarrizketa funtsa hori zabaldu
eta hedatu du. Munduko zenbait
doinu, musikari eta kultura
bildu dira txalapartaren inguruan.
Horren emaitza da Nömadak TX.
Oreka TX
Harkaitz Martinez de San Vicente
eta Igor Otxoa 1997an hasi ziren
txalaparta bikote bezala, Oreka TX
taldea sortu zutenean, hain zuzen.
Musikari eta dantzari ezagunekin
banatu dute oholtza. Europa, Amerika
eta Japoniako jaialdietan parte
hartu dute.
2006an Nömadak TX proiektuan
murgildu ziren. DVD eta CDa
argitaratu eta zuzeneko emanaldi
arrakastatsuak eskaini dituzte.