Sakanako irristaketa eskoletako kideak biltzeko asmoz, Sakanako Irristaketa Eskolen Topaketak antolatu ditu Sakanako Mankomunitateko kirol zerbitzuak. Aurten hiru irristaketa klubek hartuko dute parte: Olaztiko Sutegi, Altsasuko Irristaketa Taldea, eta Urdiaingo Aitziber. Lehendabiziko topaketa larunbatean izanen da Urdiaingo frontoian, 17:00etan hasita. Aipatu eskoletako 120 neska-mutiko biltzea aurreikusten da. Lasterketak eta jokoak izanen dituzte, eta bukaeran guztiendako merienda.Hurrengo topaketa abenduaren 11n izanen da, Altsasuko Burunda pilotalekuan, eta azkena ilbeltzaren 15ean, Olaztiko kiroldegian.