Altsasuko Feministak eta Bilgune Feministak antolatu dute tailerra. Emakumeei zuzendutako tailer horretan eraso sexistei aurre egiteko irizpideak emanen dituzte. Saioa Altsasuko Gure Etxea eraikinean izanen da, bihar, 11:00etan. Bestalde, ostegunean emakumeen kontrako indarkeriaren aurkako eguna izanen da. Horregatik, Altsasuko Feministak eta Bilgune Feministak taldeek kontzentrazioak deitu dituzte. Lehena 19:00etan Etxarri Aranatzen, plazan, eta, bigarrena, 20:00etan Altsasun, udaletxe aurreko aldean. Bi kontzentrazioen leloa Eraso sexistarik ez! izanen da.