Sakanako X. Herri Lasterketa-Burundesa Sari Nagusia. Sakandarrak.PROBA NAGUSIAGizonak: 1. Gontzal Sanz 28:00 4. Antton Zelaia (Urdiain) 29:54 9. Fco. Javier Gomez (Alts.) 30:55 10. Javier Borrega (Altsasu) 31:42 11. Juan Carlos Gomez (Alts.) 31:43 13. Juantxo Arregi (Altsasu) 31:47 16. Fermin Gabirondo (Olazti) 32:13 19. Israel Arbizu (Etxarri) 32:51 20. Alberto Arrizabalaga (Olaz.) 32:58 22. Raul Audikana (Olazti) 33:04 28. David Trevejo (Olazti) 33:29 29. Alberto Mazkiaran (Alts.) 33:33 30. Fernando Igoa (Etxarri): 33:33 31. Isidro Asurabarrena (Alts.) 33:34 32. Alberto Razkin (Etxarri) 33:35 35. Egoitz Aldaz (Olazti) 33:42 37. Kaxi Estarriaga (Etxarri A.) 33:58 40. Mikel Berdud (Altsasu) 34:05 46. Santi Agirre (Iturmendi) 35:08 49. Iñigo Urteaga (Altsasu) 35:17 50. Jose Javier Maiza (Etxarri) 35:18 54. Juan Luis Maiza (Etxarri) 35:31 56. Roberto Estarriaga (Etx.) 35:35 57. Antonio Salgado (Altsasu) 35:47 58. Aitor Hernaiz (Lakuntza) 35:54 74. Ismael Lopez (Altsasu) 39:39 75. Jose Ignazio Reparaz (Arb.) 39:59 77. Xabier Ramirez (Altsasu) 41:15 79. Tomas Mauleon (Etxarri) 41:18 81. Rafael Zufiaurre (Altsasu) 41:29 82. Gorka Arratibel (Etxarri) 41:31 84. Patxi Atxa (Etxarri) 41:48 85. Jose Mari Mercero (Unanu) 41:59 88. Aingeru Azazeta (Altsasu) 42:51Emakumeak: 1. Ana Casares 34:00 5. Maitane Txueka (Arbizu) 36:39 10. Jone Pelaez (Altsasu) 42:52 12. Arantzazu Martinez (Etx. 44:45 13. Belen Mendoza (Altsasu) 48:04 14. Edurne Razkin (Etxarri) 51:24KATEGORIA TXIKIAKBenjaminak (11):1.Javier Etxandi. 2. Axel Arrikarte. 3. Joanes Mikeo.Kimuak (16):1.Jokin Bereziartu. 2.Maddalen Mikeo. 3. Aitana Etxabarri.Haurrak (11):1.Iñigo Maiza. 2.Julen Kazaio. 3.Eneko Izagirre.Kadeteak (6):1.Amaia Oiarbide. 2.Cristina Cobo. 3. Idoia Jimenez.Igandean ez zen giro, baina 102 korrikalari animatu ziren Sakanako Mankomunitateko Kirol Zerbitzuak, hainbat babesle eta laguntzailerekin batera, antolatutako X. Sakanako Herri Lasterketa-Burundesa Sari Nagusian aritzera. Urdiaindik Ziordira bitarteko 8,5 km-ak osatzea zen erronka, eta aurretik kategoria txikienendako lasterketak jokatu ziren Ziordian. 62 neska-mutiko aritu ziren bertan. Lasterketen ondoren guztiek patata-tortilla bokata ederra eta zukua dastatu zituzten, eta proba bakoitzeko lehendabiziko hirurek domina kolkoratu zuten. Eguraldiak gogortutako probaEuria eta haize ufadak kontra zituztela abiatu zen proba nagusiko lasterketa, 12:00etan, Urdiaingo benta paretik. 102 korrikalari irten ziren, eta horietatik 94 heldu ziren helmugara, eguraldiak izugarri gogortu baitzuen proba. Hasieratik hiru gizonek hartu zuten aurrea: iazko irabazle Gontzal Sanz gasteiztarrak, Antonio Etxeberria nafarrak eta Juanjo Igarzabal gipuzkoarrak. Altsasuko bidegurutzetik aurreko aldapan atzean geratu zen Igarzabal eta beste biek aurrera tiratu zuten, baina Olazti parean Etxeberriak ezin izan zuen Sanzen erritmoa eutsi eta atzean geratu zen. Horrela, Gontzal Sanz bakarrik azaldu zen Ziordiko helmugara, iazko garaipena berrituz (28:00). Antonio Etxeberria 22 segundora sartu zen (28:22), eta Igarzabal minutu bat eta zortzi segundora (29:08). Helmugan laugarrena Antton Zelaia urdiaindarra izan zen (29:54), probako lehen sakandarra, hain zuzen. Sanzek proba oso gogorra izan zela aipatu zuen. "Haizea kontra genuen eta Behobia-Donostia lasterketaren ondorioz oraindik ere hankak kargatuak nituen" adierazi zuen. Donostiako proban hirugarrena izan zen Sanz, eta igandean Donostian jokatuko den maratoian ariko da. Iaz ere bigarren sailkatu zen Antonio Etxeberriak adierazi zuenez "asfaltoan garaitu ezina da Gontzal". Iruñekoa kros denboraldia prestatzen ari da. Emakumezkoetan Ana Casaresek ez zuen areriorik izan (34:00) eta minutu bat eta 35 segundoko aldea atera zion Estela Biaini. Lourdes Oiartzabal izan zen hirugarrena (35:57). Bosgarrena eta lehen sakandarra Maitane Txueka arbizuarra sailkatu zen (36:39). Sakanako proba Donostiako maratoia prestatzeko baliatu zuen Casaresek, eta 39 urteko atletak Lanzaroteko Ironmanerako prestatuko dela azaldu zuen. Sakanako lasterketa Sakanako V. Atletismo Kopa-Lasa Kirolak sarirako puntuagarria zen. Abenduaren 31ko Altsasuko San Silvestreak erabakiko du Kopa. Sari ugariProba jokatu eta gero, korrikalariei auzate ederra eskaini zitzaien Errekakartea elkartean. Han bertan egin zen sari-ematea. Ziordiko Korrikalariek kamiseta jaso zuten opari, eta trofeoez gain, antolakuntzak 960 euro banatu zituen sarietan. Proban aritu ziren parte-hartzaile guztien artean bi afari zozketatu ziren Ziordiako Urbasa jatetxean. Jose Mari Mercero eta Xabi Sola izan ziren zortekoak. Sakandarren parte-hartzea bulkatzeko, Sakanako herrien arteko lehia antolatu zen, eta Altsasuk irabazi zuen. Horrela, Urdiaingo Kaluxa jatetxean bi pertsonendako hiru afari irabazi zituzten Francisco Javier Gomezek, Javier Borregak eta Juan Carlos Gomezek. Eta, horretaz gain, korrikalari sakandarren artean Etxarri Aranazko Iturri Eder jatetxean bi pertsonendako hiru afari zozketatu ziren. Belen Mendoza, Gorka Arratibel eta Ismael Lopez izan ziren onuradunak. Igandeko eguraldi petrala kontuan hartuta, probaren balorazio ona egin du Mankomunitateko Kirol Zerbitzuak. Gainera, kontentu daude aurreko urteetan baino emakume gehiago aritu zirelako lasterketan, 16 emakume guztira. Eta sakandarrei dagokienez, 39 aritu ziren, zenbaki polita.