Eduki hau partekatzeko esteka arbelera kopiatu da.
Afizionatuen tropelak Euskaldun Torneorako - eliteak eta 23 urtez azpikoak - baliagarria den lasterketa izanen du igandean, martxoaren 6an, Laudion, 10:00etatik aurrera. 128 km-ko proba izango da. Bestalde, igandean abiatuko da Rural Kutxa BTT Torneoa, Izkuen antolatutako XX. Galtzagorri Trofeoarekin. Izkuen prestatutako 5,5 km-ko zirkuituan gauzatuko da proba, 10:30etik aurrera, eta elite mailakoek eta 23 urtez azpikoek 6 itzuli emango diote zirkuituari, 33 km osatuz. Kategoria txikiagokoek buelta gutxiago eman beharko dizkiote. Uharte Arakilgo Mikel Irigoien Iturriotz taldearekin ariko da aipatu proban, junior mailan, eta kasu honetan 4 itzuli eman beharko dizkio zirkuituari, 22 km osatuz.