Eduki hau partekatzeko esteka arbelera kopiatu da.
Mendi lasterketen egutegia hasia dago, baina Nafarroako Mendi Lasterketen Kopa asteburu honetan abiatuko da, apirilaren 17an Manttale taldeak antolatutako Berako maratoi erdiarekin. Goizeko 9:30ean abiatuko da proba, eta bertan sakandar askok hartuko du parte. Aurten 7 mendi lasterketek puntuatuko dute, tartean Sakanan antolatu diren lauk: ekainaren 19an jokatuko den VII. Lakuntza-Aralar lasterketak, irailaren 18ko III. Uharte Arakil-Beriain Kilometro Bertikalak, irailaren 24ko IV. Olatzagutia-Urbasa lasterketak, eta urriaren 2ko XXXV. Etxarri Aranazko Mendira Joan Etorriak.