Klinikako eta Buru Osasuneko kudeatzaileak ostiralean bilduko dira

Josefina Arregi zentroko kudeatzaile Juan Manuel Vicente ostiralean bilduko da Osasun Departamentuko Buru Osasun zerbitzuko kudeatzaile Angel Sanzekin. Osasun Departamentuak klinikako hitzarmenean 21 ohetik 6 pasako zela iragarri ondoren lehen bilera izanen da.Vicente astelehenean espezialitateen zuzendari Javier Sadarekin bildu zen, ohe gehiago kontzertatzea lortzeko asmoz. Sadak Josefina Arregi klinika beharrezko jotzen zuen eta oheak kontzertatzeko borondatea azaldu zuen. Baina, aldi berean, argi utzi zuen ez zela bere eskumena, Sanzek zuela azken hitza.