Ibarreko 14 tabernetan makina bat herrialdetako gastronomia dastatzeko aukera izanen da bihar eta etzi, 11:00etatik 14:00etara eta 18:30etik 21:30eraHemen da Munduko Pintxoak ekimenaren hirugarren edizioa. Sakanatik atera gabe Txile, Brasil, Kuba, Senegal, Maroko, Palestina, Portugal, Ekuador, Argentina, Errusia eta Errumaniako jakiak dastatzeko aukera izanen da asteburuan. Handik hona etorritako sakandar berriak izanen dira etxeko jakiak sakandarrei eskainiko dizkietenak. Jakin-mina duenak, gainera, errezeta ikasteko aukera izanen du. Ibarrean barna gastronomia ibilaldia egiteko gonbitea egin digute sakandar berriek eta tabernariek. Tabernaren arabera eskaintza aldatu eginen da. Batzuetan pintxo bat baino gehiago eskainiko da. Besteetan, gainera, herrialdeko ohiko edariak edateko aukera izanen da. Tabernaren batean herrialdeko zuzeneko musika eskainiko da. Besteetan, soinu banda izanen da. Herrialdeei buruzko informazioa edota irudiak ikusteko aukera izanen da beste taberna batzuetan. GonbiteaSakanan munduko toki ezberdinetako pertsonak bizi gara eta gure arteko hartu-emana, ezagutza eta elkarlana sustatu nahi ditu Sakanako Mankomunitatearen Immigrazio Zerbitzuak. Sakandarrei munduko pintxoak dastatzeko deia egin die zerbitzuko teknikari Bego Zestauk. Sanou Faye irurtzundarrak Munduko Arrozak ekimenean parte hartu zuen udaberrian. Esperientzia gustatu eta errepikatzea erabaki du. Senegalgo Fataia platera prestatuko du, arraina, tipula, piper berdea eta beste oinarri duen pintxoa. Horrekin batera, buñueloak eta ginger edaria (zukua) eskainiko ditu. Indira Mendoza irurtzundarrak, bestalde, parte hartzeko gogoz zegoen aurrekoetan ezin izan baitzuen. Beste zapore batzuk probatzea gustatzen zaiolako eta jendea ezagutzeko parte hartuko du ekimenean. Bere sorterriko, Kubako papa beteak eta oloa fruituekin prestatuko ditu. Herria Taberna Lurraldea Pintxoa EmaileakIrurtzun El viejo Txile Macha parmesana erara Marcela eta Alex Plazaola Kuba Papa beteak eta oloa fruituekin Indira Mendoza Pikuxar Senegal Fataya, buñueloak eta gingerra Sanou Faye Amaia Argentina Karbonada JC SuarezUharte Itxesi Txile Kurantoa txapalelearekin Cheo eta SebasArbizu Karrika Maroko Haragia, tipula, patata... Naima Ait LmoudenEtxarri Derry Brasil Brasilgo pintxoak Micarla eta lagunak Leku ona Palestina Hummusa palestinarra Tamer Larraza Senegal Vermisela Cheikh LoAltsasu Gautxori Errusia-Mosku Onddo zopa Elena Brattseva Kaixo Portugal Bakailaoa pobre erara Fatima Gonzalves Arkangoa Ekuador Ekuadorgo pintxoak Rafa Koxka Errumania Errumaniako pintxoak LuziaOlazti Aixeleku Txile Choclo pastela eta enpanada Rosana Glz eta Lady