Bigarren hilabetez jarraian langabeziak gora egin zuen azaroan Sakanan. 35 pertsona gehiago gehitu ziren enplegu bulegoko zerrendetara (%2,23 gehiago). Nafarroako Enplegu Zerbitzuaren Altsasuko bulegoan igo da langabezia, 36 pertsona. Iruñeko bulegora joaten diren arakildar eta irurtzundarren artean batek lana opatu du.Generoari dagokionez, langabe gehienak emakumezkoak dira: 839 (1 gutxiago), hau da, %53,57. Gizonezkoak, berriz, 764 dira (36 gehiago) %46,42. Langabeziak ibarreko zortzi herritan egin du gora, seitan behera egin du eta bakar bat gelditu da zegoen moduan.SektoreakLangabetu sakandarren erdiek, 816, (%50,9) zerbitzuen arloan lan egin nahiko lukete (19 gehiago). Industria arloan lan egiteko prest leudeke 555 pertsona (6 gehiago), %34,62.125 sakandarrek (5 gehiago) eraikuntza arlorako eskaera egin dute, %7,79. Abeltzaintzan aritzeko prest daude langabetuen %1,9, hau da, 32 pertsona (3 gehiago). Azkenik, aurretik lanik egin ez duten sakandarren kopuruak gora egin du, 6 gehiago dira, 75, hau da, %4,67.NafarroaAzaro akaberan lastailean baino 1.068 nafar gehiago zeuden langabezian. Foru erkidegoan dauden langabetuak, guztira 45.839 dira, haietatik 23.846 emakumezkoak eta gainontzeko 21.993 gizonezkoak.Langabezia herrikaHerria Langabetuak AldeaArakil 52 +2Irurtzun 154 -1Irañeta 3 -1Uharte A. 49 0Arruazu 8 +4Lakuntza 79 +6Arbizu 52 -1Ergoiena 5 -3Etxarri A. 177 +3Bakaiku 14 +2Iturmendi 18 +2Urdiain 34 +2Altsasu 804 +26Olatzagutia 135 -4 Ziordia 19 -2Guztira: 1603 +35