Mugitu! Mugimenduak deituta larunbat eguerdian makina bat sakandarrek poltsikoan zituzten billeteak zigilatu zituzten. Abiadura Handiko Treneko lanek "4.790 euro baino gehiago ordaintzera behartzen gaitu" dio Mugitu!k. Eta zifra hori eta AHT-ri ezetz dioen leloa zigilatu zuten billetetan. Urrutiko gaztainak 14, gerturatu eta 4 leloa zuen ekimenak eta billeteak zigilatu zituzten sakandarrei gaztaina erreak oparitu zieten. Ekimenarekin bat egin zuten, besteak beste, Manolo Altsasuko gaztaina-saltzailea, Eneko Lazkoz bertsolaria, Hesian, Kaotiko eta Arrebote, EHE, Askapena, AHT Gelditu! Elkarlana, 3 mugak batera plataforma edota Sustrai Erakuntzako lehendakaria Martin Zelaia.