Eduki hau partekatzeko esteka arbelera kopiatu da.
Ibarreko 15 udalek urte betean haien zorra 1.132.000 eurotan jaistea lortu dute. Espainiako Ogasun Ministerioak zabaldu duenez, Sakanako 13 udalek pasa den urte akaberan 8.934.000 euroko zorra pilatuta zuten. Zor hori, gehien bat, azken urteetan herrietan egin beharreko lanak aurrera eramateko kontratatutako maileguen bidez pilatu dute udalek. Horiek ordaindu ahala zorra murrizten joan da.Arruazu eta Ergoiena dira zorrik gabeko Sakanako udal bakarrak. Zorpetuta daudenen artean 10 udal dira zorra txikitzea lortu dutenak (Irurtzun, Irañeta, Uharte Arakil, Etxarri Aranatz, Bakaiku, Iturmendi, Urdiain, Altsasu, Olatzagutia eta Ziordia). Arakilek pasa den urteko zor bera mantendu du. Eta azken urtean inbertsio handiak egin dituzten Lakuntzak eta Arbizuko udalen zorrak gora egin du. Ibarrean udal ardurak dituzten alderdiek aspaldi ari dira bestelako udal finantziazio sistema bat eskatzen, egungoarekin udalak Nafarroako Gobernuaren diru-laguntzen mende baitaude. Udalerria 2011* 2010*Arakil 175 175Irurtzun 65 124Irañeta 323 345Uharte Arakil 1.014 1.057Arruazu 0 0Lakuntza 513 491Arbizu 1.506 1.504Ergoiena 0 0Etxarri Aranatz 1.193 1.588Bakaiku 211 254Iturmendi 327 348Urdiain 115 124Altsasu 2.525 2.714Olatzagutia 804 1.161Ziordia 163 181Guztira: 8.934 10.066*Datuak mila eurotan.