Sakana Goierrirekin eta Donostiarekin lotzen duen La Burundesaren autobus zerbitzuak udako ordutegia hartu berri du. Garilean eta agorrilean hala mantenduko du autobus enpresak. La Burundesak neguan jarri zuen martxan autobus linea. Sakanan 4 geltoki ditu: Olatzagutia, Lizarraga (eskaeraren arabera), Etxarri Aranatz eta Altsasu. Goierriko Idiazabal, Beasain, Ordizia, Itsasondo, Legorreta eta Alegian gelditzen da. Donostiako autobus geltokira iritsi aurretik unibertsitatean geldialdia ere egiten du. Larunbatetan, gainera, Lizarra ere ibilbidean sartzen da. Otsailaren 17an jarri zen martxan Goierri eta Donostiarako autobus zerbitzua. Hiletik hilera gero eta erabiltzaile gehiago izan ditu autobus zerbitzuak. Martxoan 258 izan ziren, 345 apirilean eta 424 maiatzean. Ordizia eta Donostiako ikastetxeetara doazen ikasleak eta langileak dira bidaiarietako asko eta asko. La Burundesak garagarzaroaren 12an ibarreko toki erakundeetako ordezkariei linearen inguruko argibideak eman zizkien. Herria OrduaLizarra 8:00*Olatzagutia 8:50*Lizarraga 9:00**Etxarri Aranatz 9:05Altsasu 9:15 16:30Donostia 10:31 17:51Herria Ordua Donostia 11:00 19:00Altsasu 12:21 20:21Etxarri Aranatz 20:31Lizarraga 19:36**Olatzagutia 19:46*Lizarra 20:36**Larunbatean soilik.**Eskaera badago.