Garagarzaroan 27 langabe gutxiago

Bigarren hilabetez langabeziak behera egin zuen Sakanan garagarzaroan eta martxoan  genuen kopuruaren pare jarri gara. Lan bila zebilenetatik %52,2 emakumezkoak dira (867, 3 gehiago) eta %47,8 gizonezkoak (794, 30 gutxiago). Adinari dagokionez, langabe sakandar erdiak %49,25 (818, 35 gutxiago) 25 eta 44 urte artean dituzte. 45 urte baino gehiago dituzte langabezian daudenen %39,31 (653, 17 gehiago) eta 25 urte baino gutxiago, berriz, %11,44 (190, 9 gutxiago). Langabezia ibarreko 5 herritan igo da eta 10etan jaitsi. Sektoreei dagokienez, langabe sakadarren erdiak (837, 18 gutxiago) zerbitzuen sektorean lan egin nahiko luke. Ibarreko langabeen artean eskaintza gehien duen bigarren sektorea industria da, lan eskaeren %34,32 biltzen ditu (570, 17 gutxiago). Haiengandik urrun dago eraikuntza. Langabetuen %7,41k (123, 8 gutxiago) lan egin nahiko luke sektore horretan. Abeltzaintzan, berriz, %2,17k (36, 1 gehiago). Eta, azkenik, aurretik lanik egin ez eta aurreneko kontratua lortu nahi dutenak %5,72 dira (95, 15 gehiago). Udalerria                Guztira    AldeaAltsasu                       823          +7Arakil                           65          +3Arbizu                          62         -12Arruazu                         2           -1Bakaiku                       15           -1Ergoiena                       8           -4Etxarri Aranatz          189          +8Irañeta                          6           +1Irurtzun                     164           -3Iturmendi                    17           +1Lakuntza                     81          -3Olatzagutia               129         -10Uharte Arakil              52          -7Urdiain                        29         -3Ziordia                        19          -3Sakana                  1.661        -27