Prozesu parte hartzaile bat martxan jarriko da guztia zehazteko. Konposta sortzea hondakinak murrizteko neurrietako bat izanen da Sakanako Mankomunitateko batzarrak asteartean atez ateko hondakin bilketa jartzeko prozesua hastea erabaki zuen. Sei hilabeteko epea izanen da hemendik aurrera bilketa eredu berriaren inguruko zehaztasun guztiak argitzeko. Udalek, kontzejuek eta herritarrek egindako ekarpenekin aberastuko da egitasmoa. Hori bideratzeko lan talde bat sortuko da. Asteartean ere atez ateko hondakin bilketaren finantziazio txostena onartu zen. Astearteko bozketan Arakilgo Udaleko ordezkaria abstenitu egin zen. Egitasmoaren mamiarekin ados egonda eta interesgarria iritzita ere, tratamenduari eta hainbat gairen inguruko zalantza asko zeudenez eta informazio gehiago behar zuenez abstenitzea erabaki zuen. Bestalde, Nafarroako Gobernuak ez dio aparteko arazorik jarri egitasmoari. Sakanan gaika bildutako hondakinak. 2007-2011Sakana 2007 2008 2009 2010 2011Autokonposta 0 9.362 23.948 36.358 50.945Organikoa 0 0 0 0 0Papera/kartoia guztira 1.175.180 1.204.360 1.127.020 1.071.070 976.500 Edukiontzitan 795.610 792.560 728.880 709.970 660.900 Merkataritzan 379.570 411.800 398.140 361.100 315.600Ontzi arinak 245.880 272.530 287.460 294.680 298.420Beira 644.737 590.278 610.794 683.291 587.446Bereziak 264.981 262.900 244.250 234.789 254.993 Tamaina handikoak 206.840 166.351 154.234 141.087 136.646 RAEE 15.980 52.750 50.196 50.513 65.824 Olioa 30.454 37.237 31.612 36.439 34.846 Berezik, arriskutsuak 11.709 6.562 8.208 6.759 8.676Gaikako bilketa guztira 2.330.778 2.330.068 2.269.524 2.283.830 2.108.359Nahasita jasotako "zaborra" 7.162.400 7.163.000 7.082.080 6.944.920 6.737.520Hondakinak guztira 9.493.178 9.502.440 9.375.552 9.265.108 8.896.824Gaikako kudeaketa % 24,55 % 24,62 %24,46 % 25,04 %24,27* Arbizuko zabortegira isuritako hondakinak ez daude kontenplatutaZergatik?Aurreko legegintzaldian, 2010ean, hondakinen bilketako emaitzak hobetzeko eta Europako legedira egokitzeko hausnarketa hasi zuen Sakanako Mankomunitateak. Izan ere, 2014rako hondakindegiak itxi egin beharko dira eta 2020rako birziklatu daitekeen materialik ezin izanen da erraustu, beraz, gehiago birziklatu beharko da. Horiek kontuan izanik, 2010eko abenduan Nafarroako Gobernuak Nafarroako Hondakinen Kudeaketa Plan Integratua (NHKPI) onartu zuen. Agiri horretan jasotako helburuen artean dago herrialdean materia organikoaren bilketa ezartzea eta %50 gaika biltzea. Gaikako bilketa horretan material inpropioak gehienez %10 izan behar du. Sakanako Mankomunitateak, beraz, legedira egokitzeko neurriak hartu behar ditu. Are gehiago, ahalegin asko egin ondoren, materia organikoaren bilketa urtetan %24 inguruan mantendu denean. Europatik ezarritako mugatik urrun dago gure birziklatze tasa. Helburua %80ko birziklatze tasara iristea izanen da. Eredu berriaMank-ek bideragarritasun ikerketa onartu du eta han hondakin bilketa eredu berriari atez atekoa deitzen zaio. Baina atez ateko bilketa eta auto-konposta oinarri dituen eredu bat da zehatz esanda. Azken sistema horrek hondakinak etxean edo komunitatean tratatzea ekarriko luke, beraz, haiek bildu eta tratatzeko ez litzateke ordaindu beharko. Proposatutakoaren arabera, 6 hilabetean alda daiteke, Arakil (12), Irañeta (1), Arruazu (2), Ergoiena (7) eta Lizarragabengoan (1) ez litzateke atez ateko bilketarik eginen. Udalerri horietan hondakinak biltzeko guneak jarriko lirateke, 23 guztira. Toki bat hainbat edukiontzirekin, eta herritarrek hango giltza izanen lukete hondakinak dagokion edukiontzian hondakinak botatzeko. Horrekin batera, konpostagailuak (etxekoak edo komunitarioak) banatuko lirateke udalerri horietan. Populazio eskasagatik eta arrazoi ekonomikoengatik aurreikusi da neurri hori. Sakanako gainontzeko herrietan atez ateko bilketa eginen litzateke, auto-konpostarako aukerarekin batera. Gaur egun Mank-ek banatutako 234 konpostagailu daude Sakanan. 50.945 kilo materia organiko konpostatzen dira horrela. Hondakindegira bidaliko balira 4.098,51 euro pagatu beharko luke Mank-ek haiengatik. Etorkizunerako helburua da Sakanan 2.828 konpostgailu izatea (etxekoak edo komunitarioak). Horrela 1.231.384 kilo materia organiko tratatuko lirateke. Horrek zabor horien tratamenduan 99.064,84 euro aurreztea ekarriko du. Bilketa noizMank-ek esku artean duen proposamenaren arabera asteko 7 egunetan bilduko lirateke hondakinak. Astean 3 egunetan jasoko litzateke materia organikoa (astelehen, ostegun eta larunbatetan). Ontziak astean bitan jasoko lirateke (astearte eta ostiraletan). Papera asteazkenetan bilduko litzateke eta errefusa astean behin (igandeetan). Merkataritza, elkarte, industria, azoka eta ospakizunetan sortutako hondakinen bilketekin ere segituko luke Mank-ek. Gure kaleetan geldituko liratekeen edukiontzi bakarrak beira eta olioa jasotzekoak lirateke. Etxeetako hondakinak jasotzeko zintzilikarioak jarri edo kuboak kalera ateratzea, hori hurrengo urte erdian erabakiko da. Bestalde, herri handietan larrialdiko guneak jarriko lirateke. Haiek erabiliko dituzte ordutegiengatik eta bestelako arrazoiengatik atez ateko sistema erabiltzerik ez dutenek. Sistema berria indarrean jartzeko 6 pertsona kontratatuko ditu Sakanako Mankomunitateak. Atez atekoa ezarri ondoren haietako bi lanean jarraituko dute. Horretaz gain, hondakinen zerbitzuko plantilla ere indartu eginen du Mank-ek. Bizpahiru langile kontratatuko ditu. PartzuergoaGarai batean Arbizuko hondakindegira botatzen ziren ibarrean bildutako zaborrak, baina haur egun han industria hondakin ez arriskutsuak besterik ez dute bukatzen. Sakanan bildutako hondakinak tratamendu plantetara bidaltzen dira. Sakanako Mankomunitateak hondakinak biltzeko eskumena du eta Nafarroako Hondakinen Partzuergoaren eskumena da haiek tratatzea. Mank partzuergo horretako ordezkariekin harremanetan jarri da, egun dagoen tarifa sistema berrira egokitzeko. Nafarroako Hondakin Partzuergoak materia organikoaren kostuaren tratamenduaren ardura guztia bere gain hartuko du. Mank-ekin laguntza zehatza zehaztea falta da. Auto-konposta inbertsioa egitea eskatzen du, baina gero hondakin batzuk kenduko ditu zirkuitutik. Horrek gainera, beira eta ontziengatik jasotako diru-laguntza handitzeak ekar dezake. Konposta egiteko kalitatezko materia organikoa jasoko da atez atekoarekin. Horregatik, Mank-ek partzuergoari diru-laguntza eskatu zion Arbizuko hondakindegian konpostatzeko planta bat egiteko. 2.000 tonarako (990.000 euroko inbertsioa) eta 5.000 tonarako (1,8 milioi euro) proposamenak egin zizkion. Nafarroako Gobernuak gaur egun dirurik ez du eta partzuegoak Satrustegin kokatu daitekeen kudeatzaile batekin egitea proposatu dio Mank-i, baina ez dago ezer zehaztuta oraindik non tratatuko diren ibarrean sortuko diren 2.000 tonak. AurrekontuaGuztira 1.002.556,49 euro inbertsioa eskatuko dio Mank-i. Bina partzuegoarekin hitz egin ondoren 707.269 euro jarri beharko lituzke. Haietatik 60.000 euro aurtengo aurrekontutik aterako dira. Diruzaintzatik 260.000 euro bideratuko litzateke eta gainontzeko dirua, 387.269,36 euro mailegu bidez lortuko du Manke-kKonparazio ekonomikoaMank-i atez atekoarekin hondakinak biltzea gaur egun baino %27,67 garestiago aterako zaio. Baina tratamenduagatik Nafarroako Hondakinen Partzuergoari ordaindu beharko diona %48,51 merkeago izanen da. Atez atekoa bere osotasunean egungoa baino %20,84 merkeagoa da. Egungo sistema Atez ateko sistema Aldea Gastuak Sarrerak Gastuak SarrerakBilketa zerbitzua -1.040.361,73 0 -1.514.200,38 0 -473.838,64Materialen kudeaketa -542.053,56 311.558,38 -279.111,5 +583.713,14 +535.096,83Kudeaketa etazerbitzuaren balantzea -1.270.856,91 -1.209.598,73 +61.258,18 %58Eduki-ontzi berdean jasotako guztiaren artean hori da materia organikoa. Denetariko hondakinak biltzen dira harekin batera.