Aurreko hilean baino 46 langabe gehiagorekin despeditu zen iraila. Haietatik 19 Iruñeko bulegoan izena emandako Irurtzun eta Arakil aldekoak ziren eta gainontzeko 27ak Altsasukoan izena emana zuten. Langabe gehienak, 908 (%52,67) emakumezkoak ziren (20 gehiago); gizonezkoak, berriz, 816 (%47,33 eta 26 gehiago). Langabetuen adinari dagokionez, %49,65 (856, 16 gehiago) 25 eta 44 urte artean dituzte. 45 urte edo gehiago dituzten langabe sakandarrak %39,79 dira (686, 35 gehiago). Azkenik, 25 urtez azpiko langabetuak %10,59 dira (182, 5 gutxiago). Langabezia 7 herritan igo da eta 6tan jaitsi. Bi herritan gelditu da zegoen moduan.Sektoreei dagokienez, langabe sakandarren %51,86k (894) zerbitzu arloan lan egin nahi luke. Industrian lan egiteko prest dago langabetuen %34,22 (590). Eraikuntzan aritzeko prest %6,84 dago (118), abeltzaintzan, berriz, %2,2 (38). Azkenik, aurretik lanik egin ez eta lehen kontratua nahi duten sakandarrak %4,87 dira (84).Udalerria Guztira AldeaAltsasu 834 17Arakil 70 7Arbizu 73 -4Arruazu 4 0Bakaiku 13 -2Ergoiena 9 -2Etxarri-Aranatz 197 -4Irañeta 9 0Irurtzun 166 12Iturmendi 15 -2Lakuntza 90 3Olatzagutia 123 1Uharte-Arakil 66 17Urdiain 30 -1Ziordia 25 4Sakana 1.724 46