Nafarroako Pilota Txapelketak

Asteburuan Nafarroako Pilota Txapelketetako laugarren jardunaldia jokatu zen. Lehen kategoriako eskuzko modalitatean Huarte Iruñearen kontra aritu ziren Aralar Mendiko uhartearrak. Buruz burukoan Aralar Mendiko Mitxelenak 18-13 hartu zuen menpean Garralda, baina binakakoan Uharte Iruñeko Yoldi eta Tabar nagusitu ziren, 22-13, Lansalot eta Irañetaren kontra. Irurtzun Paz Zigandaren kontra aritu zen. Buruz burukoa Armendariz irurtzundarra nagusitu zen, 18-8, baina binakakoan Paz Zigandako Bengoetxea-Pinak lortu zuten garaipena, 22-21. Huarte Iruñea da liderra, 14 punturekin. Aralar Mendi hirugarrena da, 10 punturekin. Bigarren mailako B multzoko liderra Altsasu da. 22 urtez azpiko binakakoa11 bikotek eman dute izena 22 urtez azpiko Nafarroako Binakako Txapelketarako. B multzoan Irurtzun taldeko Ijurrak eta Zubiriak 22-3 hartu zituzten menpean San Migel taldeko Keralt eta Lopez. Asteburuan bigarren jardunaldia dago jokoan. A multzoan Altsasuko Pilotajaukuko Ansa eta Otamendik Oberenako Jaurena eta Cordon izanen dituzte aurkari. Eta A multzoan, Oberenako Mayans eta Larraiaren kontra ariko dira Irurtzun taldeko Ijurra eta Zubiria.