Larunbatean Atletismoko Jaurtiketa Luzeen Espainiako Txapelketa Absolutuak jokatu ziren Leonen. 17 urteko June Kintana bakaikoarrak (Grupo ISN Pamplona Atletico) brontzezko domina lortu zuen disko jaurtiketan. Ondoko jaurtiketak egin zituen: 47,54m, 48,35m, 47,45m, bi jaurtiketa baliogabetu eta 48,89m. Azken hori izan zen bere jaurtiketa onena. Sabina Asenjo (57,43 m) eta Belen Toimil (50,42m) atleten atzetik sailkatu zen Kintana gaztea, primerako lana eginez.