Sakanako Mankomunitateak egindako deialdia ibarreko komertzio, ostalaritza eta elkarteek baliatu dezakete. Haien errotuluak, toldoak eta ibilgailu komertzialen errotulazioa euskaraz jartzeagatik laguntza emanen du Mank-ek. 500 euroko diru-poltsa bideratu du jarduera horretarako. Deialdian jaso denez, euskara hutsezko errotuluei gastuaren %50eko ordainduko zaio, gehienez ere 400 euroko mugarekin. Elebitan errotulatzen dutenak %20 laguntza jasoko dezakete, 200 euroko mugarekin. Eskabideak urte guztian zehar aurkeztu daitezke Mank-en Lakuntzako egoitzan. Interesatuek honako agiriak aurkeztu behar dituzte: eskabide ofiziala beteta, IFKren fotokopia, fakturaren fotokopia, errotuluaren argazkia eta beste inondik diru-laguntzarik jaso ote den dioen aitorpena.UEUUdako Euskal Unibertsitatearen udako ikastaroetan izena ematen dute sakandarrek Mank-en laguntza jasotzeko aukera izanen du. Ibarreko erakundeak ikasleen matrikula, egoitza eta kilometraje gastuak lagunduko ditu, azken biak langabetuen kasuan soilik. 500 euroko diru poltsa sortu du Mank-ek diru-laguntza horiek emateko. Interesatuek eskaera garagarrilaren 1etik irailaren 30a bitartean aurkeztu dezakete Mank-en Lakuntzako egoitzan. Eskabide ofizialarekin batera, nortasun agiriaren kopia, erroldatze ziurtagiria, UEUren asistentzia ziurtagiria, kilometraje agiria eta langabetuen kasuan, Gizarte Segurantzak emandako bizitza laborala dokumentua.