Sakanak txapela ekarri du

Larunbatean Nafarroako 4x4 Sokatira Txapelketako azken jardunaldia jokatu zen Berriozarren. Emakumezkoetan (260 kilo), Nerea Lizarragak entrenatzen dituen Sakana taldeko neskak onenak izan ziren, Basaburua-Imotzen, Berriozarren eta Txantrearen kontrako tiraldiak irabazita. Lau jardunaldiko puntuak batuta, Sakana izan da onena (14,5 puntu), Basaburua-Imotz (11 p.), Berriozar (10,5 p.) eta Txantrea (4 p.) taldeen aurretik. Zorionik beroenak. Lehen bi sailkatuek finala jokatu zuten eta Sakana taldea nagusitu zitzaion Basaburua-Imotzi, txapela lortuz. Zorionak!Kadeteetan (280 kilo), Berriozar A nagusitu zen azken jardunaldian, Andra Mari ikastolaren aurretik. Lau jardunaldietako puntuak batuz Berriozar A izan zen lehena (19 p.), Andra Mari (17 p.), Ultzama (10,5 p.), Berriozar B (9,5 p.) eta Andra Mari ikastolatik sortutako Beriain (4 p.) taldeen aurretik. Lehen bi sailkatuen artean finala jokatu zen, eta, tamalez, Berriozar A taldea nagusitu zitzaion Andra Mari talde sakandarrari. Gizonezkoetan Amaiur A izan da txapelduna. Talde sakandarrakSakana (emakumeak, 260 kg)Tiratzaileak: Naiara Mundiñano, Arantza Serrano, Jaione Ganboa, Garazi Retegi eta Nerea. Entrenatzailea: Nerea Lizarraga.Andra Mari (kadeteak, 280 kg)Tiratzaileak: Oihan Karasatorre, Izai Mauleon, Jurgi Kintana, Gari Satrustegi, Adrian Joao eta Asier Estarriaga. Entrenatzailea: Jexux Senar.Beriain (kadeteak, 280 kg)Tiratzaileak: Xabier Basabe, Nahia Nuñez, Janire Cerviño, Andrea Ansotegi, Mirari Imaz, Oihana Gabirondo eta Garazi Artieda. Entrenatzailea: Jexux Senar.