Eduki hau partekatzeko esteka arbelera kopiatu da.
Sakanako Mankomunitateak, ibarreko lau udalek eta kontzeju batek aurten edo heldu den urtean aspaldi aurreikusiak zituzten lanak egiteko finantziazioa izanen dute. Berez diru iturri gutxien duten erakundeak dira toki-entitateak eta finantza krisiaren eraginez haien diru iturri nagusia, Nafarroako Gobernua, moztu egin zen. Foru administrazioak atzo jakinarazi zuen Toki Inbertsioen Planean 2014 eta 2015 ekitaldien aurrekontuetarako 40 milioi euro dituela. Horietatik 2.442.780,2 euro etorriko dira Sakanara. Diru horrekin finantzatuko dira 2009-2012ko Tokiko Inbertsio Planean jasoak zeuden eta gobernuaren diru faltagatik egin gabe gelditu diren zortzi lan. Aipatu planeko diruzaintzako soberakina da erabiliko herri-lan horiek finantzatzeko. Laguntza jasoko duten toki-erakundeek Aurrekontu Egonkortasunaren eta Finantza Iraunkortasunaren Lege Organikoak egindako eskaerak bete beharko dituzte.Herria Lana Aurrekontua* Irurtzun Hilerria egokitu 49.713Hiriberri Kontzeju etxea 72.209,79Uharte Arakil Itxesi kaleko sareen berritzea 55.774,98 Itxesi kalearen zolatzea 61.574,53Lakuntza Herriko plazaren zolatzea 353.498,25Etxarri Aranatz Aldapasoro auzoko sareak berritzea 358.827,95 Aldapasoro auzoko zolatzea 403.245,73Mank Hondakindegiaren berreskuratzea 1.087.936*2009an onartutako aurrekontua.