Eduki hau partekatzeko esteka arbelera kopiatu da.
Berri agentziek zabaldu dutenez, Asociación de Victimas del Terrorismok (AVT) Herrirak Olatzagutiko festetan antolatutako hiru ekitaldi debekatzea eskatu du Espainiako Auzitegi Nazionalean: ostegunean, 13:00etan, preso eta iheslarien aldeko brindisa; hileko azken ostiralero egiten den kontzentrazioa eta ostiralean bertan preso eta iheslarien alde iragarritako afaria. AVTren iritziz ekitaldi horiek delitua dira: terrorismoari gorazarre egitea. Elkartearen arabera ekitaldien helburua "ETAko presoei elkartasuna adieraztea da, ETAko preso eta iheslarien giza eskubideak aldarrikatuz, haiei elkartasuna adierazi ETAko kide izateagatik eta haien delitu curriculum-a goretsiz".