Nafarroako Osasun Publikoaren eta Lan Osasunaren Institutuan iaz 9.683 txakurri eman zieten alta Nafarroako txakurren erroldan. Horietatik 377 txakur sakandarrenak ziren. Txakurren identifikazioaErregistroa egiteko dokumentuan animaliaren inguruko informazioa zehaztu behar dute jabeek, besteak beste izena eta arraza. Erroldan erregistratu ondoren, mikrotxipa jartzen zaie txakurrei, 15 zifrako zenbakiduna, eta zenbaki hori izango da txakurrari dagokiona. Mikrotxipean ondoko datuak agertzen dira: jaioteguna, arraza, sexua, izena, kolorea eta jabearen izena eta helbidea. Nafarroako erregistroa 1993 urtean sortu zen, mikrotxipa ezartzen hastearekin batera, eta gaur egun 82.753 txakur daude erroldatuta. Kontuan hartu behar da hiltzen diren txakur askori ez dietela baja ematen eta zenbaki horrek, beraz, ez du esan nahi horrenbeste txakur daudenik. Krisia ere nabari nabaritzen da ere. Esaterako, Etxauriko Animalien Babeserako Zentroan txakur gehiago jasotzen dituzte, jendeak ezin dituelako ordaindu txakurren zainketa gastuak. Izenei dagokienez, ondoko izenak dira ohikoenak: Luna, Linda, Laika, Canela, Chispa, Mora, Neska, Beltza eta Beltxa. Eta arrazei dagokienez, erregistratutako txakur gehienak mestizoak dira, eta arraza garbi gehienak, ondokoak, hurrengo ordenean: setter ingelesa, untxaria, Yorkshire, artzain txakur alemana, spaniel bretoia, artzaina eta artzain txakur euskalduna. Nafarroako Txakurren Erroldan (2012) sakandarrek altan emandako txakurrakHerria Txakur kopurua Gehien errepikatzen diren arrazakArakil 39 Mestizoak eta setter ingelesaIrurtzun 14 Setter ingelesa, untxaria eta mestizoakIrañeta 4 Bakoitza arraza batekoaUharte Arakil 16 Mestizoak eta setter ingelesaArruazu 8 Untxaria eta setter ingelesaLakuntza 28 Untxaria, setter ingelesa eta mestizoakArbizu 12 Border Collie eta artzain txakur euskaldunaErgoiena 14 Mestizoak, border collie eta artzain txakur alemana Etxarri Aranatz 51 Mestizoak, border collie eta setter ingelesaBakaiku 11 MestizoakIturmendi 5 MestizoakUrdiain 18 Mestizoak eta setter ingelesakAltsasu 121 Mestizoak (36), border collie (9), artzain txakur alemana (7)Olazti 26 Mestizoak eta setter ingelesaZiordia 10 Setter ingelesaGuztira 377