Nafarroako Unibertsitate Publikoko (NUP) Geografia eta Historia Sailak antolatu du Euskara gobernuko goi erakundeetan Historian zehar izenburua duen nazioarteko jardunaldia. Alvaro Adotekin batera Juan Madariaga Orbea da jardunaldiaren koordinatzailea. Egiarretako historia irakasleak aurreneko egunean hartuko du hitza. La mediación lingüística entre la población vasca y las instituciones, 1600-1840 izenburuko hitzaldia eskainiko du. Harekin batera bi egunetan Andres Urrutia, Alvaro Adot, Imanol Treviño, Iñigo Urrutia, Xabier Irujo, Roldán Jimeno, Eneritz Zabaleta eta Joseba Intxausti hizlari ariko dira.