Sakana Bizirik plataformak udalak onartutako erabakiak errespetatzeko eskatuz, maiatzaren 27ko udalbatzan sartu nahi zuen mozioa alkateak gai-ordenetik kanpo utzi ondoren, Ezker Abertzaleak plataformaren eskariz mozio hori aurkeztu zuen udalbatzan eztabaida zedin.Udalbatza berean, NABAIk "mozio alternatibo" moduan Sakana Bizirik plataformarena ordezkatzeko beste mozio bat aurkeztu zuen. Argitu beharra dago NABAIk plataformak udaleko erregistroan sartu zuen mozioa ezagutzen zuen bitartean, "mozio alternatibo"aren edukia haiek soilik ezagutzen zutela.NABAIren jokaeraren aurrean eta Udalbatzan mozioa aurkeztu zutenen protesten aurrean, 20 minutuko etenaldia eta gero, Sakana Bizirik plataformaren mozioaren aurrean abstenitzea eta haiena onartzea erabaki zuen NABAIk.Egoera honen aurrean, udalak onartutako erabakiak errespetatzearen eskariaren aurrean alternatiba moduan NABAIk aurkeztutako mozioari ezetza ematea erabaki zuen Ezker Abertzaleak.Ohikoa duen seriotasun eta argitasun eskasez, eta Cementos Portland enpresak Olaztin martxan jarri nahi duen jarduera berri honen aurrean batere irizpide propiorik ez duela agerian utziz, NABAIk herri galdeketa bat proposatzen zuen bere mozio alternatiboan.Honen guztiaren aurrean hauxe adierazi nahi dugu:Olaztiko Ezker Abertzalea ez dago inondik ere seriotasunez eta argitasunez planteatutako herri kontsulta baten aurka.Hala ere, uste dugu proposamen serio bat ezin dela beste batzuk udalak onartutako erabakiak errespetatzeko eskatu bitartean,aurkeztutako mozio baten alternatiba moduan planteatu.Kontuan hartu behar da errausketa-balorizazio jarduera berri horrek udal arauak hausten dituela eta halako beste kasu batzuetarako ere aurrekaria izanen dela.Kasu horretan gainera, udal ordenantzak mantentzearen aldeko eta jarduera berri honen kontrako jarrera hartzeko udalak onartutako erabakiaz gain, jarduera hori Olaztin martxan jartzerik nahi ez duten 750 olaztiarren (1350 laguneko erroldatik) borondatea dago.Osasunarendako hain kaltegarria den jarduera hau geldiaraztea lortu duten tokietan Udalak izan dira, irizpideak argi izanez, herritarren erantzuna bideratu dutenak.Olaztirendako zoritxarrez, ez da hori NABAIk hartu duen jarrera, alkateak berak onartu baitu haiek onartutako protokoloa bera baztertu duela "egoera desblokeatzeko".