Txanponaren bi aldeak

Binakakoa. 1. jardunaldiko emaitzak
Xala-Zubieta 22 / Urrutikoetxea-Beroiz 20
Olaizola II.a-Aretxabaleta 22 / Berasaluze II.a-Albisu k21
Titin III.a-Merino II.a 22 / Ezkurdia-Zabaleta 19
Bengoetxea VI.a-Galarza / Irujo-Barriola (asteazkenean, Eibarren)

Binakakoa. 2. Jardunaldia
Berasaluze II.a-Albisu / Xala-Zubieta (ostiralean, 16:30ean, Beotibarren)
Olaizola II.a-Aretxabaleta / Bengoetxea VI.a-Ladis Galarza (larunbatean, 17:30ean, Labriten. NITRO)
Irujo-Barriola / Ezkurdia-Zabaleta (igandean, 17:00etan, Astelenan. ETB1)
Titin III.a-Merino II.a / Urrutikoetxea-Beroiz (asteazkenean, ilbeltzak 1, 17:00etan, Astelenan. ETB1)

Hasi da Binakakoa. Hasierako ligaxkako lehen jardunaldia jokatu da eta pilotari sakandarrek txanponaren bi aldea ezagutu dute. Xalak eta Zubietak 22-20 irabazi zieten Urrutikoetxea eta Beroizi larunbatean Bilbon. Aldiz, igandean, Eibarren, Titinek eta Merinok 19 tantotan utzi zituzten Ezkurdia eta Zabaleta.

Xala-Zubieta eta Urrutikoetxea-Beroizen arteko lehia luzea izan zen, ia bukaezina. 101 minutu izan zituen eta 964 pilotakada jo zituzten pilotariek. Partida gogorra izan zen, oso parekatua. Lapurtarra izan zen partidako onena. Nahiz eta Urrutikoetxeak eta Beroizek partidaren zati handi batean dominatu –8-13 aurreratu ziren–, Aspekoek behetik gora egin zuten. Zubietari kosta egin zitzaion, baina partida erditik aurrera gustuko pilota topatu zuen eta gora egin zuen, aurreko koadroetan bikain aritu zen Xalaren laguntzaz. Partida estuan, Xalaren kalitateak erabaki zuen eta, horrela, lehen puntua lortu zuten Aspekoek.

Ezkurdiak eta Zabaletak, aldiz, ezin izan zuen txapelketa irabazten hasi. Titin eta Emrino errioxarren kontra 22-19 galdu zuten sakandarrek. Partida estua izan zen, 531 pilotakada izan zituena, eta emozio handikoa. Aipatzekoa da Ezkurdiak eta Zabaletak akats gehiegi egin zituztela, 14 akats guztira –5 aurrelari arbizuarrak eta 10 Etxarrengo atzelariak–. Merino izan zen partidako onena. Ziurtasunez aritu zen errioxarra, eta akats gutxi egin zituen. Ongi defendatu zen eta Titin bikain babestu zuen. Sakandar gazteek garaipena eskuratzeko aukera alferrik galdu zuten, errioxarrek bikain probestu zutena.

Bigarren jardunaldia ere emozioz betea dator. Puntu eskas batengatik galtzetik datorren Bersaluze eta Albisuren kontra jokatuko dute Xalak eta Zubietak. Aldiz, larunbatean, Irujo eta Barriolaren kontra aritu beharko dute Ezkurdiak eta Zabaletak. Ea lehen puntua lortzen duten. Txapelketa luzea da baina sakandarrek puntuak pilatzen dituzten. Pilotazaleendako partida ederrak datoz. Pilota puri-purian.