Idiazabal Gazta Jatorrizko Izendapenak Ordiziako eguberrietako aparteko azoka baliatu du aurten nazioarteko lehiaketetan saria lortu duten gaztagileei aitortza egiteko. Ekitaldi horren bidez jatorri izendapenak saritutako gaztagileak bi arrazoirengatik zoriondu ditu: egindako lan onagatik eta izendapenaren prestigioa eta izen ona zabaltzen laguntzeagatik.
Esker ona jaso duten artzainen artean sakandarrak ere badaude: Espainiako ekoizpen ekologikoko gazta onenaren saria jaso duen Patxi Amillano (Larrezabal eko). Altsasuarra Birminghamgo World Cheese Awards txapelketan urrezko domina lortu zuen babestutako jatorri izendapena mailan ere. Arbizuko Araña-Etaiok ekoiztutako Juananeko Borda gaztak, berriz, maila berean brontzezko domina eskuratu zuen.
Arbizuko Araña-Etaio eta Altsasuko Patxi Amillano omenduen artean