Herriko tabernen bidez ETA finantzatzea leporatzen diete. Fiskalak ondorioen txandan auzipetuei hasieran eskatzen zien zigorra jaitsi egin du. Juan Kruz Aldasorori 10 urteko espetxe zigorra 4 urte eta erdikoagatik aldatu dio. Jaione Intxaurragarendako zigor eskaera, berriz, 8 urtetik 2 urte eta 2 hilabetera pasa du.
Bederatzi auzipeturi karguak kendu dizkie fiskalak. Biren kasuan bat egin dute fiskaltzaren eskaerarekin AVTk eta Dignidad y Justiciak eta haiek absolbitu egin ditu epaileak. Guztien absoluzioa eskatu duena defentsa izan da.
Bost hilabeteren ondoren aurki despedituko da 35/02. 36 euskal herritarren eta 110 herriko taberna edo elkarteren kontrako epaiketa egiten ari dira Madrilen, Espainiako Auzitegi Nazionalean.