Langabeziak aurreko bi hilabeteko gorako joera hautsi zuen otsailean eta ilbeltzean baino 11 pertsona gutxiago zeuden izena emanda enplegu bulegoan. 1789 guztira. Nafarroako langabetuen %3,39, populazioan %3,22 garenean. Generoari dagokionez, langabetu gehienak, %52,32 emakumezkoak ziren (936, 4 gehiago) eta gainontzeko %47,68 gizonezkoak (853, 15 gutxiago).
Adinari dagokionez, langabetu gehienak 45 urtetik gorakoak dira %45,11 (807, 4 gehiago). 25 eta 44 urte artean dituztenak %44,77 dira (801, 28 gutxiago). Azkenik, 25 urte baino gazteago direnak %10,12 dira (181, 13 gehiago).
Otsailean Sakanan langabetu gehien biltzen duen sektorea zerbitzuena izan zen, %57,24 (1024, 18 gehiago). Industrian %27,72 zegoen (496, 27 gutxiago). Eraikuntzan ariko liratekeenak %7,6 ziren (136, 5 gutxiago). Lehen sektorean, berriz, %1,84 (33, 1 gutxiago). Azkenik, aurretik lanik egin ez eta lan bila dabiltzanak %5,59 ziren (100, 4 gehiago).
Langabezia udalerrika. Otsaila
Udalerria Guztira
Altsasu 859
Arakil 68
Arbizu 83
Arruazu 3
Bakaiku 17
Ergoiena 7
Etxarri Aranatz 177
Irañeta 11
Irurtzun 192
Iturmendi 23
Lakuntza 81
Olatzagutia 142
Uharte Arakil 59
Urdiain 35
Ziordia 32
Guztira 1.789