Futsalsakana Kopako 2. jardunaldia jokatu zen larunbatean Uharte Arakilen.
Auzomotojorik eta Biltoki taldeen arteko lehian lehenak irabaztera behartuta zeuden, lehen jardunaldiko partida galdu baitzuten. 2-0 aurreratzea lortu zuten etxarriarrek, baina bigarren zatiko hasieran Biltokik berdindu zuen. Auzomotojorikeko atezain Jonek, geldiketa ona egin ondoren, kontrako atera jaurti zuen eta gol ikusgarria sartu zuen. Horrela, 3-2 gailendu zen Auzomotojorik.
Bunker Aralar Mendi 69 taldearen kontra lehiatu zen. Lehen jardunaldian galdu eta gero, irabazi beharrean zegoen Bunker, eta nahiz eta jokalariz justu ibili partidari eutsi zioten. Bukaeran, 6-7 galdu zuen Bunkerrek.
Etxarriko Gaztetxiek eta Iturmendik galdu egin zuten lehendabiziko jardunaldian eta biak partida irabaztera atera ziren. Iturmendikoak agintzen hasi ziren, baina defentsen bi akatsen ondorioz 2-1 aurreratu zen Etxarriko Gaztetxie. Iturmendik estutu zuen, baina azkenean 6-3 irabazi zuten etxarriarrek.
Bukatzeko, Uharte Arakilgo Leones del Atlas taldeak 4-9 irabazi zion Arbizuko jubenilen taldeari. Arbizuarrak 3-5 aurreratuta egon ziren, baina bukaeran uhartearrak nagusitu ziren.
Sailkapena
A multzoan Leones del Atlasek 6 puntu ditu, Racing San Migelek eta Etxarriko Gaztetxiek hiruna puntu eta Arbizuko jubenilak eta Iturmendik ez dute punturik. B multzoan, Auzomotojorikek, Biltokik, Arbizuk eta Aralar Mendi 69k hiruna puntu dituzte eta Bunkerrek, aldiz, ez du punturik biltzea lortu.
Apiribilaren 27an, igandearekin, txapelketako 3. jardunaldia hartuko du Uharte Arakilgo pilotalekuak.
Emaitzak (2. jardunaldia)
A multzoa:
Etxarriko gaztetxie 6 – Iturmendi 3
Leones del Atlas 9 – Arbizu gazteak 4
Atsedena: Racing San Migel
B multzoa
Auzomotojorik 5 – Biltoki 3
Bunker 6 – Aralar Mendi 69 7
Atsedena: Arbizu
3. jardunaldia (apiribilaren 27an, igandearekin, Uharte Arakilen)
A multzoa:
10:00etan: Arbizu jubenilak – Iturmendi
11:00etan: Racing San Migel – Leones del Atlas
Atsedena: Etxarriko Gaztetxie
B multzoa:
12:00etan: Aralar Mendi 69 – Biltoki
13:00etan: Arbizu – Bunker
Atsedena: Auzomotojorik
Partida lehiatu eta ikusgarriak izan ziren