Afizionatuek Euskaldun Torneorako baliagarriak diren bi lasterketa dituzte asteburuan. Gaur, ostiralean, San Gregorio Saria jokatuko da Berriatuan, 15:30ean (137 km). Igandean, aldiz, Azpeitian bilduko dira txirrindulariak, 9:30ean (115,5 km). Bestalde, maiatzaren 7an hasiko da Bidasoako Itzulia, maiatzaren 9an despedituko dena. Tartean Rural Kutxa talde sakandarra ariko da. Bukatzeko, BTT lasterketa hartuko du igandean Lizarrak.